Us dr Kita ghört me Chinderlache 

Die Chlyne sy für öich am Bache 

Nid nur Makrame u Tüechli wäbe 

Bi üs syd dir e Teil vom Läbe 

Jede Mönsch isch einzigartig 

Hie gitt’s sogar e Stilberatig 

I üsem wunderbare Garte 

Chöit dir no mal dürestarte 

Jung und Alt geit y und us 

Bi üs im Generationehuus 

Chly und Gross geit y und us 

I däm läbige Huus 

Ir Casa Vivace – ir Casa Vivace 

Isch s Läbe wie im ne irdische Paradies 

Vivace – Casa Vivace 

Mir sy happy u lache u mache no «Cheese» 

D Mönschewürd lyt üs am Härze 

Mir entfärne Wärze ohne Schmärze 

Bi üs chöit dir dür ds Alter tanze 

Im Altersheim e Filmromanze 

Üses Aagebot, es isch vielschichtig 

Sälbschtbestimmig isch üs wichtig 

Dir dörft fyre, feschte wie die Gschtörte 

Und im höche Alter umeflirte 

Jung und alt geit y und us 

Bi üs im Generationehuus 

Chly u gross geit y und us 

I däm läbige Huus 

Ir Casa Vivace – ir Casa Vivace 

Isch s Läbe wie im ne irdische Paradies 

Vivace – Casa Vivace 

Mir sy happy u lache u mache no «Cheese» 2x 

Im Vivace-Pärkli chille 

Mitem Stadelma go grille  

Das hilft meh als Placebo-Pille 

Ja, das nützt viel meh 

Immer chly dumm umelyre 

Jede Tag es Feschtli fyre 

Dadermit vertrybsch du d Vire 

Ja, du wirsches gseh 

E Bratwurscht uf em Grill 

U d Zyt schteit schtill 

Zyt schteit still, Zyt schteit schtill 

Gäng es Liedli uf de Lippe 

Regelmässig Bierli kippe 

Isch s beschte Mittel gäge Grippe 

Das hilft meh als Tee 

Es brutzlet und es bräglet, es zischet wie verreckt 

Es zischet und es bräglet, es brutzlet und es chlepft 

E Bratwurscht uf em Grill 

U d Zyt schteit schtill 

Zyt schteit still, Zyt schteit schtill 

I versueche jedi Stund frei z schufle 

Us däm Grund bini all Tag am Jufle 

I schaffe a myre Work-Life-Balance 

Drum stelli mi dere Superchallenge 

Ufem Golfplatz tüe sech alli schetze 

Me cha sech hie ganz guet vernetze 

Vom Abschlag bis zum Loch mit wenige Schleg 

Ha wunderbari Tage i däm goldige Gheg 

I spiele hüt Par u morn es Birdie 

Vilech schaff i no ne Albatros 

I bi immer no ne Bogey-Golfer 

Doch ufem Golfplatz fallt mer ds Glück i Schoss 

I ga go golfe, go golfe 

I schaffe a mym Handicap 

I ga go golfe, go golfe 

Ja, i ha no nie e so gläbt 

Kes Hobby tuet so guet rentiere 

Alli Lütt si hie am Akquiriere 

I zieh my Trolley über ds grüene Fäld 

Niene uf dr Wält chunnt me so schnäll a ds Gäld 

Überwinde Wassergräbe, Bunker 

Flirte mit Froue mit tüürem Klunker 

Vom Abschlag bis zum Loch – das ewige Spiel 

E höchere Status isch jedem sys Ziel 

I spiele hüt Par u morn es Birdie 

Vilech schaff i o ne Albatros 

I bi immer no e Bogey-Golfer 

Doch ufem Golfplatz fallt mer ds Glück i Schoss 

I ga go golfe, go golfe 

I schaffe a mym Handicap 

I ga go golfe, go golfe 

Ja, i ha no nie e so gläbt 2x 

Ersch no grad Regal ygruumt im OBI 

Üses Gschäft, es boomt, jetz sy mer scho z Nairobi 

Vo Lanzehüsere nach Lanzarote 

U z Palermo wünsche mir üs Buona Notte 

Biarritz statt Bümpliz, vo Ostermundige nach Rom 

Mit Muskle u mit Rundige vorem Petersdom 

Vo Rüederswil nach Rio, im Rägewald isch’s füecht 

Mir sy Make up-Meischter, rücke alls i ds beschte Liecht 

Mir sy Influencer – (Sie sy Influencer 

Jede Dödel, jedes Dummie, ja fasch jede kennt se) 

Mir sy Influencer – (Sie sy Influencer) 

Ja, fasch alli kenne üs 

Jede Tag es Fescht, mir föh ke Lehr a 

Göh nid nach Gümlige, göh lieber nach Gomera 

E Reis nach Barcelona tuet sech lohne 

Dörfe vierzäh Tag im Penthouse wohne 

San Remo statt Sankt Galle, vo Lyss nach Liverpool 

Als Botschafter vo Raclette, s’gitt Cheese im Swimmingpool  

Vo Büetige nach Phuket, mir erschaffe üsi Wält 

Mit Followers im Rügge sy mer putzt u gstrählt 

Mir sy Influencer – (Sie sy Influencer 

Jede Dödel, jedes Dummie, ja fasch jede kennt se) 

Mir sy Influencer – (Sie sy Influencer) 

Ja, fasch alli kenne üs 

Nid under d Huube wäg de gfährleche Strahle 

Sie winde sech wie Schruube dür d Hirnschale 

Nid under d Huube vo dr Firma Staat 

Wo freii Mösche zu Chrüpple schlaht 

Nid under d Huube, du chasch der’s nid usmale 

Under dr Huube erlydisch Höllequale 

Nid under d Huube vo dr Firma Staat 

Wo freii Mösche zu Chrüpple schlaht 

Dr gfährlech Tsunami verstrahlet s’ganze Land 

Sie weinis all betäube, sie heinis i dr Hand  

Wäg 5G-Antenne stärbe Vögel, das isch klar 

Sie verbreite o Corona, sie sy ne grossi Gfahr 

Chorus 1 

I la mi sicher nid la impfe, i de Sprütze steckt e Chip 

Sie weinis all färnstüüre uf ihrem Tüüfelstrip 

Hinder Pandemie stecke Lütt wie dr Bill Gates 

D Wält elei z regiere hett für sie e grosse Reiz 

Chorus 2 

U dr Knall vo Nine Eleven, dä hinterlischtig Flug 

Es sy nid d Islamischte, e riesige Betrug 

Derhinder steckt d Regierig vor Wältmacht USA 

Muess für ne Chriegserklärig e triftige Grund ha 

Chorus 1 

Kondänsstreife am Himmel, sie verspraye wieder Gift 

Gift i d Atmosphäre, wo alli Mönsche trifft 

Usser d Wältelite, sie hett e gheime Plan 

Wott d Mönscheheit dezimiere i ihrem Grössewahn  

Chorus 2 

Viellech zieht die Story Kreise, viellech schlaht sie y 

Es gitt ja Lütt, wo gloube, me mach us Wasser Wy 

Mir müesse se nur gnue breit streue, de blybt sie i de Chöpf 

Mönsche uf dr Suechi sy für alles offni Gschöpf 

Wiene Flügelschlag vom’ne Schmätterling zum’ne gfährleche Orkan 

Es gitt doch da e Theorie, da isch viellech öppis dra 

Da isch viellech öppis, viellech öppis, viellech öppis dra 

Immer wiederkäuet wärde Lüge plötzlech wahr 

Dr Mönsch laht sech la tüsche, d Vernunft isch mängisch rar 

Vieli löh sech liecht la blände, sie gloube jede Shit 

Ds Blatt wird sech nid wände, sie mache ganz gärn mit 

Wiene Flügelschlag vom’ne Schmätterling zum’ne gfährleche Orkan 

Es gitt doch da e Theorie, da isch viellech öppis dra 

Da isch viellech öppis, viellech öppis, viellech öppis dra 

Wird die Gschicht verhäbe? Mir sy wie Pfyleböge gspannt 

Isch’s e Schuss i ds Schwarze, sy alli usser Rand u Band? 

Wiene Flügelschlag vom’ne Schmätterling zum’ne gfährleche Orkan 

Es gitt doch da e Theorie, da isch viellech öppis dra 

Da isch viellech öppis, viellech öppis, viellech öppis dra 

Bin hin und her gerissen, ich weiss nicht, was mir bliiht 

Ich war doch immer ehrlich, ich hab mich stets bemiiht  

Hab nächtelang gejammert, jetzt bin ich auserwählt 

Was hab ich voller Kummer mein erspartes Geld gezählt 

Oleksandra ohne Seele – ich als Avatar 

Reagiere auf Befehle – wie gross ist die Gefahr? 

Von mir ferngesteuert – sie und ich als Paar 

Ein Heer von Oleksandras – eine ganze Schar 

Ich komm trotz schwerer Arbeit auf keinen griinen Zweig 

Ist doch irgendwie begreiflich, ich bin nicht abgeneigt 

Aber Leute hintergehen - ist das nicht Gott versucht? 

Bleib ich als meine Fälschung ein Leben lang verflucht 

Oleksandra ohne Seele – ich als Avatar 

Reagiere auf Befehle – wie gross ist die Gefahr? 

Von mir ferngesteuert – sie und ich als Paar 

Ein Heer von Oleksandras – eine ganze Schar 

Forever young – en alte Troum wird wahr 

Forever young – nie meh schütters Haar 

Mir bruuche gar ke Botox und kei Implantat 

U schaffe no mit Nüünzgi spielend dr Spagat 

Mir kenne keni Falte, hei e straffi Hut 

Müesse nüt verstecke, am liebschte si mer blutt 

Es bruucht kei Injektione, üsi Lippe blybe voll 

Müesse nid is Fitness, üsi Kondition isch toll 

Forever young – mir verbrönne alles Fett 

Forever young – im höche Alter no adrett  

Forever young – forever young – forever young – mir verbrönne alles Fett 

Mir wärde nie Problem ha mit den innere Organ 

Mir sy guet ufgleiset, niemer wirft is us dr Bahn 

Im Läbensfluss am Trybe wie eleganti Schwän 

Mir hei gueti Chnoche u bländend wyssi Zähn 

Mir hei starchi Närve, üsi Psyche isch stabil 

Üses Hirni setzt ke Chalch a, mir wärde nie senil 

Forever young – bis zum Himmelstörli fit 

Forever young – mir überlischte all die Zyt 

Forever young – forever young – forever young – bis zum Himmelstörli fit 

Viellech läbe mir o ewig, viellech gitt’s e guete Trick 

E Schluck vom Brunnewasser isch dr richtig Kick 

Dr richtig Kick 

Etepetete – ke Fete ohni Knete 3x 

Mir stosse a mit volle Cüpli 

Uf üses exquisite Grüppli 

Mir ässe gnüsslech Kaviarbrötli 

U winke fröhlech mit de Nötli 

Mir sy Profis im Foundraise 

We’s drum geit, Projekt ufzgleise 

Mache mir ganz gärn paar Gschänkli 

Da es Brüggli u dert es Bänkli 

Mir si clever u vilech o rych 

Mir halte d Wirtschaft gäng uf Trab 

Üse Ruef isch üs überhoupt nid glych 

Mir gäbe gärn chly öppis ab 

Mir sy bekannt für gueti Tate u rede gärn dervo 

Verteile ds Glück i Rate, s’hei all dervo verno 

Mir hei e guete Riecher, mir lande mänge Coup 

Ja, mir sy die geile Sieche vom Rotary-Club 
 

Gägesytig Gschäft zueschanze 

Mit prominänte Mönsche tanze 

Bym Polo, Bridge u ou bym Golfe 

Hei mir scho vielne Mönsche gholfe 
 

Mir si clever u vilech o rych 

Mir halte d Wirtschaft gäng uf Trab 

Üse Ruef isch üs überhoupt nid glych 

Mir gäbe gärn chly öppis ab 
 

Mir sy bekannt für gueti Tate u rede gärn dervo 

Verteile ds Glück i Rate, s’hei all dervo verno 

Mir hei e guete Riecher, mir lande mänge Coup 

Ja, mir sy die geile Sieche vom Rotary-Club 

Etepetete – ke Fete ohni Knete 3x 

So geit das! 

S’isch nid vermässe, s’ isch nid vermässe 

Mir vermässe jetz dä Mönsch 

Wo i jedem Detail wieder erchennsch 

Arme, Schänkle, Bruscht und Po 

Mir hei vo allem Mass abgno 

Schultre, Rügge, Rippi, Glänk 

En Avatar, wo sälber dänkt 

Nasen, Ouge, Chinni, Stirn 

Jetz schaffe mir no a dr Stimm 

A, B, C, D, E, F, G - tut uns heute etwas weh?
H, I, K, L, M, N, O, P - möchten Sie noch etwas Tee?
Q, R, S, T, U, V, W - ein Spaziergang um den See
X, Y und das Z – ja, jetzt gehen wir zu Bett 

S’isch nid vermässe, s’ isch nid vermässe 

Schänkel, Wade, Schienbei, Fuess 

Es chunnt genau so, wienes muess 

Mir erfasse d Haarstruktur 

U kopiere exakt d Frisur 

Wichtig isch dr Haaraasatz 

U ds Muettermal am rächte Platz 

Asymmetrisch ds Ougepaar 

Wichtig isch ds Vokabular 

A, B, C, D, E, F, G - tut uns heute etwas weh?
H, I, K, L, M, N, O, P - möchten Sie noch etwas Tee?
Q, R, S, T, U, V, W - ein Spaziergang um den See
X, Y und das Z – ja, jetzt gehen wir zu Bett 

S’isch nid vermässe, s’ isch nid vermässe 

Knoche, Wirble, Hut u Haar 

Das gitt dr perfekt Avatar 

Dir syd die, wo provoziere, dir löht üs nid i Rueh 

U dir gloubet Lügegschichte u loset üs nid zue 

Das Wasser chame trinke, dir heit nech alli tüüscht 

We Argumänt nüt bringe, de bruuche mir halt d Füscht 

Üsi Gruppe wird gäng grösser, dir syd wagglig uf de Bei 

Dir verbietet üs nid ds Wasser, mir trinke, was mer wei 

We dir euch weit vergifte, isch üs das furzegal 

We aber Unschuldigi stärbe, hei mir ke andri Wahl 

Mir schlöh nech d Kanne us dr Hand 

Dir syd e Schand für ds Land 

U dir dränget üs ganz sicher nid a Rand 

Nid mitem Rügge zur Wand 

Dir heit e schwäre Stand 

We dir so wyter machet gitt’s e Flächebrand 

Das Wasser hett e Würkig, das isch e Zoubertrank 

Dir verbreitet nume Bullshit, dir syd im Hirni chrank 

Dir vertrouet blind de Medie, euch hett’s i Weize gschneit 

U eui Schwurbelstories sy meh als düregheit 

Mir dörfe i dä Garte uf dr Suechi nachem Glück 

Tüet doch dürestarte u nähmet es paar Schlück 

Ja euch isch nid z troue, euer Argumänt sy luusch 

We dir d Lütt wyter verarschet, chunnt’s zum Schlagabtuusch 

Mir schlöh nech d Kanne us dr Hand 

Dir syd e Schand für ds Land 

U dir dränget üs ganz sicher nid a Rand 

Nid mitem Rügge zur Wand 

Dir heit e schwäre Stand 

We dir so wyter machet gitt’s e Flächebrand 

Bridge 

Dir verstosset gäge d Regel 

Jetz zieh mer alli Hebel  

Ja, jetz gitt’s es Gschlegel 

Jetz stygt dr Pegel 

Mir schlöh nech d Kanne us dr Hand 

Dir syd e Schand für ds Land 

U dir dränget üs ganz sicher nid a Rand 

Nid mitem Rügge zur Wand 

Dir heit e schwäre Stand 

We dir so wyter machet gitt’s e Flächebrand 

Us jedem Rinnsal gitt’s e riese Wasserfall 

Us jedem Fürzli e riesegrosse Knall 

Us jedem Sprützli Seife e Bärg us Schuum 

Us jedem Zündholzschächteli e grosse Ruum 

Us jedem Flämmli gitt’s e riese Flächebrand 

E Monschterwälle schwappet über ds Land 

Us jedem Grüschli gitt’s e grosse Krach 

Ja mir halte dr Ball nid flach 

Vom Muggeschiss zum Elefantehuufe 3x 

Mir blase alles uuf 

Vom Muggeschiss zum Elefantehuufe 3x 

Mir lege no eine druuf 

Mir lege no eine 

U mir lege no eine druuf 

Us jedem Zweigli gitt’s e starche Ascht 

Us jedem Hüsli e riese Prunkpalascht 

Us jedem Wölkli  e grossi Näbelwand 

Us jedem chlynschte Sandchorn es Meer us Sand 

Us jedem Flämmli gitt’s e riese Flächebrand 

E Monschterwälle schwappet über ds Land 

Us jedem Grüschli gitt’s e grosse Krach 

Ja mir halte dr Ball nid flach 

Vom Muggeschiss zum Elefantehuufe 3x 

Mir blase alles uuf 

Vom Muggeschiss zum Elefantehuufe 3x 

Mir lege no eine druuf 

E chlyne Sprutz i Ozean, guet verquirlt u potenziert 

E chlyne Sprutz, das isch dr Wahn, e riese Blaatere, wo rentiert  

E chlyne Sprutz i Ozean, guet verquirlt u potenziert 

Numene Sprutz, das isch dr Wahn, e Blaatere, wo rentiert  

E Rieseblaatere, wo guet rentiert 

Vom Muggeschiss zum Elefantehuufe 

Mir blase alles uuf 

Vom Muggeschiss zum Elefantehuufe 

Mir lege no eine druuf 

Chorus 

Sie entere ds Pärkli, e Heuschreckeplaag 

Sie sy ohni Seich ire schreckleche Laag 

Sie dränge zum Brunne für nes paar Schlück   

Sie hange ar Röhre, ar Quelle vom Glück 

Sie chöi sech nid häbe, sie schwanke wie gstört 

Me tuet ne nid gloube, s isch unerhört 

Vernäbleti Sinne, Delirium olé 

Sy wohl i dr Bubble, wei d Wahrheit nid gseh 

Sie suufe u schisse, hei Nachthemli ann 

Sie schisse i d Windle u hei no Freud drann 

Alls louft usem Rueder, s isch nüt meh im Lot 

Sie gheie i ds Koma u gly sy sie tot 

Inferno… Inferno 

Wie hetts o nume so wyt chönne cho 

Inferno… Inferno 

Sie sy völlig verblödet, sie si völlig vercho 

Sie chrabble u brabble u gloube die Lüüg  

Sie röchle u stöhne u stammle wirrs Züg 

Sie wüsse sälber nid, wo sie grad stöh 

Sie trinke u stinke, sie hei Diarrhö 

Sie suufe u schisse, hei Nachthemli ann 

Sie schisse i d Windle u hei no Freud drann 

Alls louft usem Rueder, s isch nüt meh im Lot 

Sie gheie i ds Koma u gly sy sie tot 

Inferno… Inferno 

Wie hetts o nume so wyt chönne cho 

Inferno… Inferno 

Sie si völlig verblödet, sie si völlig vercho 

Inferno… Inferno 

Werum hei sie nid früecher Vernunft agno? 

Mir verlege die Leitig 

Es geit gleitig 

Vo üs ghörsch du ke Ton 

Mir lege se ine 

U verzieh ke Miene 

Es isch e Blitzaktion 

Mir müesse pressiere 

Dörfe ke Zyt verliere 

Es längt e Garteschluuch 

Ds Wasser muess fliesse 

Mir tüene aschliesse 

Dert hingerem Haselstruuch 

Isch es ächt? Isch es fake? 

Isch es wahr oder gloge? 

Isch es ächt? Isch es fake? Isch es ächt?  

Mir tüe nid tief grabe 

Nume d Ärde wägschabe 

U bedecke alls mit Gras 

Mir maches im Gheime 

Sy mit üs im Reine 

Ja, mir gäbe Gas 

Mir bruche zum Tarne  

Nur es paar grossi Farne 

Und e Reihe Buchs 

Es darf nid ufflüge 

Mir sy zwunge zum Lüge 

Wie mänge schlaue Fuchs 

Isch es ächt? Isch es fake? 

Isch es wahr oder gloge? 

Isch es ächt? Isch es fake? Isch es ächt?  

Mir lege die Leitig 

Es geit gleitig 

Vo üs ghörsch du ke Ton 

Mir lege se ine 

Es isch e Blitzaktion 

Es sy viel falsch abboge,  

Uf dr Sueche nachem Chärn 

U sie sy plötzlech glandet 

Ufem falsche Stärn 

Es anders Universum 

Es isch alles klar 

Sie gloube all die Gschichte 

U nähme ds Münz für bar 

Sie verirre sech im Labyrinth u finde nümme druus 

U sie sy uf eim Oug blind i ihrem Schnäggehuus 

Mir chöi ne nüt befähle, mir bouene e Brügg  

All die verlorne Seele finde vilech wieder zrügg 

Uf dr Suechi nach dr Wahrheit 

Ändet d Reis im Chopfbahnhof 

Sie hei sech all verfahre 

Äs sy lang nid alli doof 

Sie chöme nümme wyter 

Ufem Stumpegleis 

Sie dräje geng im Lääre 

Sie bewege sech im Kreis 
 

Sie verirre sech im Labyrinth u finde nümme druus 

U sie sy uf eim Oug blind i ihrem Schnäggehuus 

Mir chöi ne nüt befähle, mir bouene e Brügg  

All die verlorne Seele finde vilech wieder zrügg

Zwüsche jeder Bubble 

Gitt’s immer wieder Troubles 

Mir verlege Kabel 

Mir wei die Troubles nümm 

Sie verirre sech im Labyrinth u finde nüme druus 

U sie sy u eim Oug blind i ihrem Schnäggehuus 

Mir chöi ne nüt befähle, mir bouene e Brügg  

All die verlorne Seele finde vilech wieder zrügg